5. september 2010
Nú eru rétt tvö ár liðin frá fyrstu úthlutun úr Vaxtarsamningi Norðurlands vestra. Á þessum tveimur árum hefur alls verið úthlutað 71 milljón króna til ýmissa verkefna og árangur margra þeirra er smátt og smátt að koma í ljós. Fæst eru verkefnin þess eðlis að þeim ljúki einn góðan veðurdag, en framlagi vaxtarsamningsins er allajafna ætlað að skila tilteknum áföngum. Nefna má tvo slíka, sem litið hafa dagsins ljós á síðstu vikum: Hinn 14. ágúst sl. var fyrsti áfanginn í fastri sýningu Söguseturs íslenska hestsins opnaður, að Hólum í Hjaltadal. Og nú nýverið var birt skýrsla um þjónustukönnun, sem var gerð meðal ferðamanna á Hveravöllum sumarið 2009. Skýrsluna má nálgast hér, en nánar er fjallað um hana á vef SSNV.
