VNV

  • Increase font size
  • Default font size
  • Decrease font size
Fréttir

Tengslanet kvenna

20. júní 2009

tengslanet

Það voru á milli 20 og 30 konur af Norðurlandi vestra, sem komu saman í Kvennaskólanum á Blönduósi í gærkvöldi, þann 19. júní. Segja má að bæði dagsetning og staðsetning fundarins hafi verið við hæfi, þar sem tilgangurinn var að kynna hugmyndina að tengslaneti kvenna á svæðinu. Þess má geta að annar eins fjöldi kvenna hafði samband og lét vita af áhuga sínum fyrir verkefninu, þó þær kæmust ekki á þennan fund.

Á fundinum voru kynntar niðurstöður könnunar varðandi slíkt tengslanet, en henni svöruðu 60 konur víðsvegar að úr Húnavatns- og Skagafjarðarsýslum nú í vetur. Gestir fundarins, fulltrúar Tengslanets kvenna á Austurlandi, sögðu frá starfinu þar og veittu góð ráð.

Í fundarlok var kosinn undirbúningshópur að formlegum stofnfundi, sem ætlunin er að halda með haustinu. Í honum sitja:

Ásta Jóhannsdóttir, Hvammstanga
Jensína Lýðsdóttir, Skagaströnd
Guðrún Sighvatsdóttir, Sauðárkróki
Katrín María Andrésdóttir, Sauðárkróki

Nánari frétta af tengslanetinu er að vænta í september.

 

Tengslanet kvenna

15. júní 2009

Þann 19. júní nk. er boðað til undirbúningsfundar að stofnun Tengslanets kvenna á Norðurlandi vestra. Hann verður haldinn í Textílsetri Íslands, en eins og kunnugt er, er það til húsa í Kvennaskólanum á Blönduósi. Á fundinum, sem hefst kl. 20:30, verður farið yfir aðdragandann að stofnun slíks nets á svæðinu og meðal annars verða kynntar niðurstöður úr netkönnun, sem lögð var fyrir allmargar konur í vor. Reiknað er með að á þessum fundi verði kosinn undirbúningshópur, sem muni boða til formlegs stofnfundar í haust.

Nokkuð er liðið frá stofnun Tengslanets kvenna á Austurlandi og er ekki síst litið til þess um fyrirmynd. Fulltrúar þess verða sérstakir gestir fundarins og munu segja frá sinni reynslu og gefa góð ráð.

Að þessum undirbúningsfundi standa, auk Vaxtarsamnings Norðurlands vestra, SSNV Atvinnuþróun og Vinnumálastofnun - Atvinnumál kvenna. Allar áhugasamar konur á Norðurlandi vestra eru hvattar til að mæta á fundinn og taka þátt í undirbúningi að stofnun tengslanetsins.

 

Þekkingarþingið í gær

20. maí 2009

Framkvæmd Þekkingarþingsins á Skagaströnd tókst með ágætum, að mati flestra þeirra sem það sóttu. Það er ekki síst að þakka heimamönnunum Halldóri G. Ólafssyni, framkvæmdastjóra BioPol og Ingibergi Guðmundssyni, menningarfulltrúa Norðurlands vestra. Að ógleymdum fundarstjóranum, Þórarni Sólmundarsyni, sem sá til þess að - þrátt fyrir þétta dagskrá - þingslitum seinkaði einungis um þrjár mínútur!

Sérstaklega ber að geta þess að hádegisverðurinn var í boði Sjávarlíftæknisetursins BioPol ehf., og kunnum við aðstandendum fyrirtækisins bestu þakkir fyrir. Og þar sem Vaxtarsamningnum er ætlað að hvetja til samvinnu er ekki úr vegi að nefna, að súpan góða var elduð af starfsmönnum Kántrýbæjar og borin fram í kaffihúsinu Bjarmanesi. Einnig ber að þakka Lárusi Ægi Guðmundssyni fyrir afnotin af loftinu að Einbúastíg 2 - okkar var heiðurinn að verða fyrst til að nýta þessi glæsilegu salarkynni.

Margir af gestum þingsins hafa hvatt til þess að við gerum þetta að árvissum viðburði. Við munum að sjálfsögðu taka þetta góða fólk á orðinu, og um leið reyna að læra af þessu fyrsta Þekkingarþingi Norðurlands vestra, til að geta gert enn betur að ári. Allar ábendingar þar að lútandi eru vel þegnar. Hlökkum til að sjá ykkur á Þekkingarþingi 2010!

 ekkingaring_19.05.2009_044b 

Myndasmiður: Ingibergur Guðmundsson

 

Þekkingarþingið á Skagaströnd 19. maí

Þann 19. maí 2009 gekkst Vaxtarsamningur Norðurlands vestra fyrir Þekkingarþingi á Skagaströnd. Markmiðið var tvíþætt: annars vegar að vekja athygli á því margvíslega rannsókna- og fræðastarfi, sem stundað er á svæðinu og hins vegar að skapa tækifæri fyrir fræðimenn á Norðurlandi vestra til að eiga saman dag og kynnast hver annars störfum.

Þekkingarþingið var öllum opið.

Dagskrá

Dagskrá Þekkingarþingsins var skipt í fjórar sambærilegar lotur, með mislöngum hléum á milli.
Fundarstjóri: Þórarinn Sólmundarson, Þróunarsviði Byggðastofnunar.

08:40 - 09:00  Fellsborg: Skráning - molakaffi

09:00 - 10:30 Lota I, Fellsborg
                        Skúli Skúlason (Hólaskóli - Háskólinn á Hólum): Setning ráðstefnunnar
                        Arnljótur Bjarki Bergsson (Matís): Líftæknismiðjan á Sauðárkróki
                        Þór Hjaltalín (Fornleifavernd ríkisins): Landslag og minjar í Íslendingasögum
                        Þorsteinn Sæmundsson (Náttúrustofa Norðurlands vestra): Jarðfræðileg ummerki ofanflóða
                        Arna Björg Bjarnadóttir (Sögusetur íslenska hestsins): Sögusetur íslenska
                                   hestsins: Menningartengd ferðaþjónusta byggð á rannsóknum       

10:30 - 11:00 Hlé. Dagskrá hefst að nýju í gamla Kaupfélagshúsinu. Ráðstefnugestum gefst
                        kostur á viðkomu í Nesi listamiðstöð á leið sinni milli staða.

11:00 - 12:30 Lota II, Einbúastígur 2
                        Halldór G. Ólafsson (BioPol ehf.): Hrognkelsarannsóknir
                        Ólafur Ingi Sigurgeirsson (Hólaskóli - Háskólinn á Hólum): Af hverju fiskeldisrannsóknir?
                        Hrafnhildur Ýr Víglundsdóttir (Selasetur Íslands) og Sandra Granquist (Veiðimálastofnun): 
                                     The Wild North og Áhrif sela á laxfiska
                        Ásdís Birgisdóttir (Textílsetur Íslands): Textílsetur í Kvennaskólanum á Blönduósi

12:30 - 13:15 Hlé - Súpa og spjall í Bjarmanesi.
                        Tvö stutt innlegg með súpunni:
                        Skúli Skúlason, stjórnarmaður: Starfsemi Guðbrandsstofnunar 
                        Steindór Haraldsson (Grýta ehf.): Frá hugmynd til hagnaðar

13:15 - 14:50 Lota III, Fellsborg
                        Sigríður Björnsdóttir (Matvælastofnun - dýralæknir hrossasjúkdóma): 
                                   Rannsóknir á líffræði og heilsu íslenska hestsins
                        Guðný Zoëga og Sigríður Sigurðardóttir (Byggðasafn Skagfirðinga):
                                   Rannsóknir Byggðasafns Skagfirðinga
                        Bjarni K. Kristjánsson og Stefán Óli Steingrímsson (Hólaskóli - Háskólinn á Hólum):
                                   Grunnrannsóknir á líffræði fiska og ferskvatns við Hólaskóla
                        Guðrún Helgadóttir (Hólaskóli - Háskólinn á Hólum): Hestaferðamennska
                        Gísli S. Einarsson (Verið - Vísindagarðar): Verið - kynning

14:50 - 15:10 Hlé - hressing

15:10 - 16:40 Lota IV, Fellsborg
                        Þóra Björk Jónsdóttir (Skólaskrifstofa Skagfirðinga): Námsmat í skólum án  aðgreiningar:
                                    Lykilatriði í stefnumótun og starfi
                        Þórdís V. Bragadóttir (Náttúrustofa Norðurlands vestra): Helsingjar á Norðurlandi vestra
                        Hjalti Pálsson (Byggðasaga Skagafjarðar): Eyðibýlarannsóknir í Skagafirði
                        Hlín C. Mainka Jóhannesdóttir (Hólaskóli - Háskólinn á Hólum): Saman komumst við á kortið
                        Þórarinn Sólmundarson: Ráðstefnuslit

Þar sem ekki var fyrir fram um það rætt að glærur fyrirlesara yrðu birtar hér á vefnum, og nokkuð misjafnt reyndist hvaða augum þeir litu slíka birtingu, var horfið frá því. Þeim, er kunna að óska eftir frekari upplýsingum er varða einstök erindi, er bent á fyrirlesara sjálfa. Netföng þeirra má fá gefin upp hjá Vaxtarsamningi Norðurlands vestra  ( This e-mail address is being protected from spambots. You need JavaScript enabled to view it )

 

Handverksfundur

8. maí 2009

Niðurstaða handverksfundarins á þriðjudaginn (sbr. fyrri frétt hér á vefnum) er sú að stefna að auknu samstarfi og samstöðu handverkstengdra aðila á Norðurlandi vestra, jafnvel með uppbyggingu einhvers konar handverksklasa fyrir augum. Ákveðið var að notast við póstlista til umræðna um málið fram eftir sumri, og taka síðan upp þráðinn með haustinu. Öllum áhugasömum er velkomið að taka þátt í umræðunum og er unnt að skrá sig í hópinn með því að hafa samband við framkvæmdastjóra Vaxtarsamningsins ( This e-mail address is being protected from spambots. You need JavaScript enabled to view it ). Varla þarf að taka fram að gagnsemi tölvupóstumræðna veltur að öllu leyti á virkni þátttakenda.

handverk

Gudrun Kloes tók myndina á Blönduósi.

 
Fleiri Frttir...


Page 7 of 9