VNV

22. apríl 2010

Okkur langar til að vekja athygli á atvinnulífs- og menningarsýningunni Skagafjörður - Lífsins gæði og gleði, sem verður haldin á Sauðárkróki nú um helgina, í aðdraganda Sæluviku. Gefið hefur verið út sérstakt kynningarblað um Skagafjörð, af þessu tilefni.
Sýningin sjálf verður haldin í íþróttahúsinu og þar munu um 80 aðilar kynna vörur sínar og þjónustu.
Þar á meðal eru nokkrir af styrkþegum Vaxtarsamningsins og samningurinn sjálfur verður kynntur í bás SSNV.

Samhliða sýningunni verða haldnar málstofur um hin ýmsu málefni. Þær verða haldnar í húsnæði Árskóla og
hér er að finna dagskrá málstofanna.

Við óskum Sveitarfélaginu Skagafirði til hamingju með framtakið og biðjum Skagfirðingum og gestum þeirra góðrar skemmtunar á sýningunni sem og á Sæluvikunni.

Gleðilegt sumar!

6. apríl 2010

Laugardaginn 10. apríl næstkomandi bjóða  Náttúrustofa Norðurlands vestra og Selasetur Íslands
til fræðsludags um náttúrufar Húnavatnssýslna, að Gauksmýri í Línakradal.

Formleg dagskrá fræðsludagsins hefst kl. 9:30 og lýkur kl. 17:00.
Að lokinni setningarræðu Skúla Þórðarsonar, sveitarstjóra Húnaþings vestra,
mun Svandís Svavarsdóttir umhverfisráðherra ávarpa gesti.
Síðan hefst fyrirlestraröð þar sem drepið verður á eitt og annað tengt náttúrufari í Húnaþingi.
Fyrirlestrarnir verða stuttir (15 mín. hver).Kaffisopi verður á boðstólum, og súpa veitt í hádegishléi.

Sjá dagskrá hér.

Allir eru velkomnir á fræðsludaginn, en nauðsynlegt er að skrá sig fyrirfram, í síðasta lagi miðvikudaginn 7. apríl nk. Það má gera með því að senda tilkynningu á netfangið This e-mail address is being protected from spambots. You need JavaScript enabled to view it eða hringja í síma 453-7999.

Við framkvæmd fræðsludagsins njóta Náttúrustofan og Selasetrið stuðnings sveitarfélaga í Húnavatnssýslum, Samtaka sveitarfélaga á Norðurlandi vestra, Vörumiðlunar, Léttitækni, Sláturhúss KVH og Vaxtarsamnings Norðurlands vestra.