Markmið vaxtarsamningsins:
Að efla atvinnulíf og byggðaþróun á Norðurlandi vestra með því að byggja á þeim styrkleikum sem svæðið býr yfir til frekari vaxtar.
Leiðir:
Efling nýsköpunar og vaxtar fyrirtækja og stofnana á svæðinu í gegnum klasasamstarf, með áherslu á tvö svið:
- Menntun og rannsóknir þar sem áhersla verður m.a. lögð á auðlindalíftækni og uppbyggingu þekkingarsetra sem þjóna muni öllu svæðinu.
- Menning og ferðaþjónusta.
Samningurinn er til þriggja ára og er iðnaðarráðuneytið skuldbundið til að greiða árlega 30 milljónir króna til verkefnisins, og þannig samtals kr. 90 milljónir á samningstímanum.
Samningnum fylgir viðaukasamningur fyrirtækja og stofnana um aðkomu að verkefninu, í formi fjármagns, sérfræðivinnu eða aðstöðu. 17 fyrirtæki og stofnanir eru aðilar að samningnum og nema framlög þeirra samtals um 56,4 milljónum króna á samningstímanum.